Радавод паэта Васіля Зуёнка

Зуёнак В. Выбраныя творы / Уклад. аўтара. Мінск: Кнігазбор, 2010. 512 с., [8] с. іл. Уклейка паміж старонкамі 224 і 225.

З нагоды 90-гадовага юбілея паэта друкуем інфармацыю пра яго радавод.

Нацыянальны гістарычны архіў Беларусі. Ф. 576. Воп. 1. Спр. 1. Пасямейны спіс сялян Халапеніцкай воласці Барысаўскага павета Мінскай губерні ад 4 студзеня 1887 г. Арк. 127 адв.–128. № 275.

Сямейны спіс продкаў паэта па матчынай галіне – сялян Рамашкаў з той жа вёскі Мачулішча у нас атрымалася скласці на падставе пасямейнага спіса сялян Халапеніцкай воласці Барысаўскага павета ад 4 студзеня 1887 г. з пазнейшымі дапаўненнямі). На адным разгароце (пад № 275) прасочваецца ланцуг яго прамых продкаў – ад дзеда (Канстанціна) да прапрапрадзеда (Андрэя), то бок 4 пакаленні. Прычым бачна, што продкі яго маці, Акуліны Канстанцінаўны Рамашка (1902–1989), жылі па суседстве з продкамі яго таты Зуёнкамі. (нагадаем, радавод Васіля Зуёнка быў апублікаваны яшчэ ў 2017 годзе, тут таксама https://www.academia.edu/33370236/ )

Усе гэтыя імёны і даты, злучаныя агульнай геаграфіяй, непарыўна ўплеценыя ў генеалогію і сямейную гісторыю паэта. Куток Радзімы для Васіля Зуёнка мае сусветнае значэнне – інакш і не можа быць. А ўсё звыклае і незаўважнае, што адбываецца там, – забытыя вобразы з дзяцінства і маладосці – раней ці пазней дагрукваецца да сэрца і свядомасці, бо зямля, на якую падае яблык каля бацькоўскай хаты, і зямля, па якой чалавек робіць першыя крокі на світанку свайго жыцця і да якой потым вяртаецца яго цела, – адна і тая самая:

Hixтo нe пaчyў:

Яблык yпaў дacвeццeм –

Ля Xaлoпeнiч,

                        нa Бeлapyci.

Hixтo нe пaчyў –

Hi людзi,

               нi тpaвы,

                              нi вeцep…

Hixтo.

A шap зямны

Здpыгaнyўcя…

(В. Зуёнак, 1963 г.)

Зуёнак В. Выбраныя творы / Уклад. аўтара. Мінск: Кнігазбор, 2010. 512 с., [8] с. іл.